Tantra nudd fyrir konur

Lögmál Tantra

Tantra nudd er byggt á lögmálum Tantra jóga, andlegrar leiðar sem færir okkur verkfærin og skilninginn til að rækta og dýpka tenginguna við sjálfið, koma reiðu á hugann og að losna úr fjötrum efnisheimsins.

Tantra er andleg leið sem gefur okkur tól og aðferðir við að skilja og upplifa tengingu vísindanna og andlegrar leiðar. Það að þekkja sjálf okkur betur, gerir okkur kleift að skilja hinn ytri heim. Tantra kennir okkur að lifa lífinu til fullnustu, í vitund og af hugrekki. Tantra afneitar engu í hinni mannlegri tilveru og færir okkur tólin og þekkinguna til að gera allar upplifanir og kringumstæður að tækifæri til innri umbreytinga og persónulegs þroska.

Snerting í vitund og af alúð

Nudd sem byggir á lögmálum Tantra er allt í senn líkamleg, orkuleg og tilfinningaleg upplifun. Af einstakri alúð, og í fullri vitund er orkunni stöðugt lyft upp að hinu himneska, opnun og lífsins frelsi.

Tantra nudd styður við að ná djúpri slökun, losa andlega og líkamlega spennu og aukna getu til að upplifa djúpstæða nautn í gegnum skynfærin okkar. Snerting af þeirri vitund sem fylgir nuddinu getur hjálpað til við að heila tilfinningaleg áföll sem leiðir til aukins sjálfstrausts, sjálfsástar og aukins lífskrafts.

Með vitund og af alúð mæti ég þér þar sem þú ert stödd. Þú færð tíma og rými til tengjast eigin líkama, munúð og kvenlegum eiginleikum.

Uppbygging tímans og við hverju er að búast

Hvert nudd sem þú þiggur er sem ný og einstök upplifun. Ferðalag um þína dásamlegu og kvenlegu veröld.

Við komu

Í upphafi tímans þá tökum við um 20-30 mínútna samtal. Ef þú ert að koma í fyrsta skipti þá útskýri ég hvernig nuddið fer fram á ýtarlegri hátt, hvernig þú getur tekið á móti snertingunni í vitund og svara þeim spurningum sem þú hefur. Við ræðum þínar þarfir og leyfum því sem þarfnast athygli að koma upp á yfirborðið. Ég sýni þér nuddherbergið og það er aðstaða til að fara í sturtu fyrir nuddið. Þér er líka velkomið að koma undirbúin.

Rýmið

Ég er með tileinkað nuddherbergi á heimili mínu í Reykjavík þar sem þú ert örugg að kanna þína innri tilveru, tilfinningar og að tjá þinn kvenleika. Tónlist, lykt og mjúk lýsing styðja við slökun og ferðalag inn á við. Ég nota lyktarlausa kókosolíu við nuddið.

Tantra nuddið

Hvert einasta tantra nudd er einstök upplifun þar sem orkan og flæðið opnast á leyndardómsfullan hátt. Hjarnæmar tilfinningar geta komið upp á yfirborðið eða þær birtast sem áminning um hluta af þinni veru sem þarfnast athygli. Þú gætir upplifað gleði, nautn, dofa, tilfinningar, djúpstæða slökun á hug og líkama. Tantra nudd getur verið jarðtengjandi, hlaðið erótík, hjartaopnandi, veitt innblástur og verið himnesk tenging við sálina.

Yoni nuddið

Heilnuddið er í raun undirbúningur fyrir Yoni nudd. Í samtalinu okkar útskýri ég hvernig þetta innilega nudd fer fram og kanna hvort þú viljir slíkt nudd. Ég spyr þig skýrt bæði í samtalinu og áður en við byrjum í nuddinu sjálfu. Það er engin pressa á þér og ef þú velur að þiggja það ekki, þá færðu einfaldlega meira af dásamlegu heilnuddi.

Það er ítarlegri lýsing á yoni nuddi neðar á síðunni.  

Að nuddi loknu

Þegar nuddinu lýkur þá færð þú tíma til að koma ljúflega til baka í líkama, stað og stund. Ég færi þér vatn, ávexti eða súkkulaði og ef þú finnur löngun og þörf þá ræðum við það sem kom upp hjá okkur í nuddinu.